Израел ќе остави мал број војници на пет стратешки локации во јужен Либан откако утре истекува рокот за повлекување на израелските трупи во рамки на примирјето со Хезболах, изјави денеска портпаролот на израелската војска Надав Шошани.
„Мораме да останеме на тие точки во овој момент за да ги одбраниме израелските граѓани, да се увериме дека овој процес е завршен и на крајот да им го предадеме на либанските вооружени сили“, рече Шошани.
Тој исто така рече дека тој потег е во согласност со договорот за прекин на огнот меѓу Израел и Хезболах, пишува „Тајмс оф Израел“.