Уделот на возрасните Американци кои се идентификуваат како ЛГБТК+ се зголеми на 9,3 отсто од населението, според анкетата на Gallup објавена минатата седмица.
Како што пренесува CNN, во споредба со истражувањето на Gallup од 2023 година, уделот на луѓе кои се идентификуваат како ЛГБТК+ е зголемен за еден процентен поен, додека речиси двојно се зголемил од 2020 година.
Во првата анкета на Gallup во САД во 2012 година, 3,5 отсто од испитаниците се идентификувале како лезбејки, геј, бисексуалци или трансродови.
Во Gallup истакнуваат дека постојат разлики по полот, возраста, регионалните разлики и разлики по политичка припадност.
Десет проценти од жените во споредба со шест проценти од мажите се идентификуваат како ЛГБТК+, а овој јаз е уште поизразен меѓу помладите генерации – 31 отсто од жените во споредба со 12 отсто од мажите во генерацијата З и 18 отсто од жените во споредба со 9 отсто од мажите кај милениумците.
Резултатите се засноваат на телефонски интервјуа спроведени во 2024 година со повеќе од 14.100 возрасни лица во САД.
Од испитаниците, 85,7 отсто се идентификуваат како хетеросексуалци, 5,2 отсто како бисексуалци, 2 отсто како хомосексуалци, 1,4 отсто како лезбејки и 1,3 отсто како трансродови.
Помалку од 1 процент се идентификуваат со друг ЛГБТК+ идентитет, како пансексуалност, асексуалност или квир идентитет.
