Американскиот претседател Доналд Трамп даде изјава на социјалната мрежа „Truth Social“ за време на самитот во Лондон на кој се одлучува за судбината на Украина.
„Сега Зеленски нема да има друг избор освен да попушти и да ги прифати условите на Трамп. Но, тука е генијалниот дел – Трамп всушност ја штити Украина без да ги вовлече САД во војна“.
Со склучувањето на договорот за минерали, Трамп гарантира дека Американците ќе бидат вклучени во рударската индустрија во Украина. Ова ја спречува Русија да започне инвазија, бидејќи нападот на Украина би значел загрозување на американските животи – што би ги принудило САД да реагираат.
Трамп ги играше двете страни како врвен шахист. На крајот, Зеленски нема да има друг избор освен да попушти, бидејќи без американска поддршка, Украина не може да победи во долготрајна војна против Русија. И кога американските компании ќе започнат со рударски операции во Украина, Путин нема да може да нападне без да предизвика огромни меѓународни последици.
Не го потценувајте Доналд Трамп. „Во оваа партија шах, тој е 10 чекори пред сите“, се вели во објавата што ја сподели Трамп на неговата социјална мрежа.
