Конфискацијата на замрзнатиот руски имот ќе биде кршење на меѓународното право од страна на Франција и Европската унија, изјави францускиот министер за економија, финансии и индустриски и дигитален суверенитет Ерик Ломбард за ТВ каналот „Франс инфо“.
„Ова ќе биде чекор што е во спротивност со меѓународните договори потпишани од Франција и Европската унија“, рече министерот.
Тој додаде дека „ставот на Франција е дека овие средства припаѓаат на Централната банка на Русија“.
„Сакам да ве потсетам дека не сме во воена состојба со Руската Федерација“, рече Ломбард.
Според него, некои од овие средства може да се користат доколку тоа е предвидено во договорот за решавање на украинскиот конфликт. Но, тие не можат да бидат одземени“, рече министерот.
Претходно, „Фајненшл тајмс“ објави дека Франција им предложила на своите европски партнери да ги конфискува замрзнатите суверени средства на Русија во случај земјата да го прекрши примирјето во Украина, доколку биде воспоставено.
Претходно, портпаролот на Кремљ, Дмитриј Песков, истакна дека Русија дефинитивно ќе одговори на кражбата на нејзиниот имот во Европа.
