Милвоки Бакс (со скојр 36-25) ја остварија најубедливата победа во синоќешните натпревари во НБА лига, совладувајќи ги Далас Маверикс со 137:107 на нивниот „Фисерв Форум“, а Јанис Адетокумбо му се приклучи на клубот играчи кои имаат постигнато најмалку 20.000 поени во текот на кариерата во НБА.
Најдобриот грчки кошаркар за помалку од 25 минути постигна 32 поени и 15 скока, достигнувајќи вкупно 20.010 поени и стана 52-от играч во историјата на НБА лигата кој ја надминал границата од 20.000 поени. Само пет играчи кои го постигнаа ова пред Адетокумбо беа помлади од 30-годишниот Грк, а сите тоа се великаните Леброн Џејмс, Кевин Дурент, Коби Брајант, Вилт Чембрлејн и Мајкл Џордан.
Адетокумбо е третиот европски кошаркар кој ја мина границата од 20.000 поени, придружувајќи им се на Дирк Новицки (31.560) и Пау Гасол (20.894).
Најдобар стрелец на Бакс во победата над Далас беше Демијан Лилард со 34 поени, а Кевин Портер Џуниор со 10 поени, 11 скока и 14 асистенции го оствари третиот „трипл-дабл“ во кариерата, прв во дресот на Милвоки. Претходните два ги постигна како играч на Хјустон.
Стрелците на Далас ги предводеше Клеј Томпсон со 28 поени, а Наџи Маршал искомбинираше 22 поени и 11 скока.
Кливленд Кавалирс (52-10) е првиот тим што обезбеди пласман во овогодинешниот НБА плејоф, победувајќи ги Мајами Хит со 112:107 на домашен терен. Ова е 12-та последователна победа за Кливленд во актуелната сезона, а до неа Кавалирс ги предводеше Донован Мичел со 26 поени, седум скока и пет асистенции. Де’Андре Хантер и Еван Мобли постигнаа по 16 поени, кои имаа и 13 скока, а Дариус Гарланд оствари и „дабл-дабл“ со 15 поени и 10 асистенции.
Со 34 поени, 12 скока и пет асистенции, Бам Адебајо беше најдобриот играч во ослабениот тим на Хит, кој поради болест и повреди остана без Тајлер Херо, Хамес Јаскез Џуниор, Никола Јовиќ, Кел Вер и Ендрју Вигинс. И покрај тоа, гостите успеаја да ја намалат негативата од 17 поени од втората четвртина и да поведат седум поени на средината на последната четвртина од натпреварот.
Мајами во последните 2:55 минути влезе со минимално водство (107:106), но Кливленд тргна во завршната серија од 6:0 и ја обезбеди 52-та победа сезонава.
Пејтон Причард имаше голема вечер во „ТД Гарден“, поставувајќи два лични рекорда постигнувајќи 43 поени и 10 „тројки“, а притоа впиша и 10 асистенции во победата на Бостон Селтикс со 128:118 над Портланд Трејл Блејзерс. Причард беше будно следен од Дерик Вајт, кој вечерта ја заврши со 41 поен, а Џејлен Браун ги пополни статистичките колони со 18 поени, осум скока и осум асистенции, па отсуството на Џејсон Тејтум, Кристапс Порзингис и Џру Холидеј не се почувствува во тимот на актуелните шампиони.
Стрелците на Портланд ги предводеа Енферни Симонс со 30 поени, Шедон Шарп постигна 25, а Џабари Вокер постигна 22 поени.
Водечкиот тим во Западната конференција, Оклахома Сити Тандер (51-11) го обезбеди врвот со петтата последователна победа (120-103), оствари на гостински терен против Мемфис Гризлис и ја продолжи борбата со Кливленд за најдобар учинок во регуларниот дел од сезоната. Шаи Гилџеус-Александер ги предводеше гостите со 41 поен и осум асистенции. Значаен придонес имаше Џејлен Вилијамс со 20 поени и девет асистенции, а центарот Исаја Хартенштајн имаше „дабл-дабл“ учинок од 10 поени и 15 скока.
Џа Морант беше најдобар стрелец на Мемфис со 24 поени и шест асистенции, додека Дезмонд Бејн и Скоти Пипен Џуниор постигнаа по 15 поени.
Мемфис (38-24) падна на четвртото место на Западот со четвртиот последователен пораз, а Гризлис ги прескокна Денвер (40-22) со победата од 116:110 на домашен терен против Сакраменто Кингс. Нагетс во четвртата четвртина се вратија од негатива од девет поени, дозволувајќи им на гостите само 17 поени во тој дел од играта (32-17).
Никола Јокиќ го предводеше избалансираниот домашен тим со 22 поени, 15 скока и шест асистенции. Најдобар стрелец беше Расел Вестбрук со 25 поени, а Џамал Мареј постигна 24 поени и осум асистенции. Мајкл Портер Џуниор оствари „дабл-дабл“ со 13 поени и 12 скока.
Кингс сѐ уште се без Домантас Сабонис, а најдобар играч на овој меч беше Демар Дерозан со 35 поени, шест скока и пет асистенции. Зак ЛаВин постигна 20 поени, а Јонас Валанчиунас имаше 19 поени и 13 скока.
ЛА Клиперс (33-29) го искористија поразот на Сакраменто (32-29) и со победата на домашен терен (123:115) против Детроит Пистонс, ги прескокнаа Кингс и го зазедоа осмото место на Западот, каде екипите од шестото до десеттото се наоѓаат на три победи.
Кај Детроит блескаше Џејмс Харден со 50 поени. Тоа е негов 24-ти натпревар во НБА со 50 или повеќе поени, но прв во дресот на Клиперс. Заедно со него, уште двајца играчи имаа двоцифрен учинок: српскиот репрезентативец Богдан Богдановиќ постигна 23 поени, а хрватскиот центар Ивица Зубац оствари уште еден „дабл-дабл“ со 22 поени и 11 скока.
Кај Пистонс најдобар беше Кејд Канингем со 37 поени и 10 асистенции, а Денис Шредер постигна 21 поен, седум асистенции и шест скока.
Во дуелот меѓу екипите на дното на поредокот на Истокот и Западот, Вашингтон Визардс (12-49) го совладаа гостувањето Јута Џез (15-47) со 125:122. Седум двоцифрени играчи за победничкиот тим ги предводеше Кишаун Џорџ со 23 поени и седум скока, додека Алекс Сар додаде 21 поен.
Кај гостите најдобар стрелец беше Џони Јузанг со 27 поени и седум скока, додека Кајл Филиповски забележа 23 поени и 13 скока.
Една од двете гостински победи синоќа остварија Минесота Тимбервулвс кои славеа во Шарлот со 125:110. Ентони Едвардс и Џејден МекДаниелс постигнаа по 29 поени, а вториот имаше и 10 скока, додека Џулиус Рендл беше на прагот на „трипл-дабл“ со 25 поени, 10 скока и девет асистенции.
Стрелците на домашните Хорнетс ги предводеа ЛаМело Бол со 28 поени и 10 скока и Мајлс Бриџис со 23 поени и девет скока.
РЕЗУЛТАТ
Бостон Селтикс – Портланд Трејл Блејзерс 128:118
Шарлот Хорнетс – Минесота Тимбервулвс 110:125
Кливленд Кавалирс – Мајами Хит 112:107
Вашингтон Визардс – Јута Џез 125:122
Милвоки Бакс – Далас Маверикс 137:107
Денвер Нагетс – Сакраменто Кингс 116:110
Мемфис Гризлис – Оклахома Сити Тандер 103:120
Лос Анџелес Клиперс – Детроит Пистонс 123:115
ТАБЕЛИ
Источна конференција
Атлантска дивизија
1. Бостон Селтикс 44 18 .710 —
2. Њујорк Никс 40 21 .656 3 1/2
3. Бруклин Нетс 21 40 .344 22 1/2
3. Филаделфија 76ерс 21 40 .344 22 1/2
5. Торонто Репторс 20 42 .323 24
Централна дивизија
1. Кливленд Кавалирс 52 10 ,839 —
2. Милвоки Бакс 36 25 .590 15 1/2
3. Индијана Пејсерс 35 25 .583 16
4. Детроит Пистонс 35 28 .556 17 1/2
5. Чикаго Булс 24 38 .387 28
Југоисточна дивизија
1. Мајами Хит 29 32 ,475 —
2. Орландо Меџик 29 34 .460 1
3. Атланта Хокс 28 34 .452 1 1/2
4. Шарлот Хорнетс 14 47 .230 15
5. Вашингтон Визардс 12 49 .197 17
Западна конференција
Пацифичка дивизија
1. Лос Анџелес Лејкерс 39 21 .650 —
2. Голден Стејт Вориорс 34 28 .548 6
3. Лос Анџелес Клиперс 33 29 .532 7
4. Сакраменто Кингс 32 29 .525 7 1/2
5. Феникс Санс 29 33 .468 11
Југозападна дивизија
1. Мемфис Гризлис 38 24 .613 —
2. Хјустон Рокетс 37 25 ,597 1
3. Далас Маверикс 32 31 .508 6 1/2
4. Сан Антонио Спарс 26 34 .433 11
5. Њу Орлеанс Пеликанс 17 45 .274 21
Северозападна дивизија
1. Оклахома Сити Тандер 51 11 .823 —
2. Денвер Нагетс 40 22 .645 11
3. Минесота Тимбервулвс 35 29 .547 17
4. Портланд Трејл Блејзерс 28 35 .444 23 1/2
5. Јута Џез 15 47 .242 36
