Американскиот државен секретар Марко Рубио денеска објави дека САД официјално затвораат 83 отсто од програмите на Агенцијата за меѓународен развој (УСАИД).
„По шестнеделен увид, официјално прекинавме 83 отсто од програмите на УСАИД, 5.200-те договори кои сега се откажани, потрошиле десетици милијарди долари на начини што не користел, а во некои случаи дури и им наштетиле на основните национални интереси на САД“, објави Рубио на платформата X.
After a 6 week review we are officially cancelling 83% of the programs at USAID.
The 5200 contracts that are now cancelled spent tens of billions of dollars in ways that did not serve, (and in some cases even harmed), the core national interests of the United States.
In…
— Marco Rubio (@marcorubio) March 10, 2025
Според него, по консултациите со Конгресот, останатите 18 проценти од програмите, што е приближно 1.000, ќе ги управува Стејт департментот „поради поефикасна администрација“.
Тој му се заблагодари на Одделот за владина ефикасност (DOGE), предводен од Илон Маск, и на другите вработени кои „вложија многу напор за да ја постигнат таа „задоцнета“ историска реформа.
На 20 јануари, американскиот претседател Доналд Трамп потпиша извршна наредба со која се суспендираат сите програми за странска помош на 90 дена додека се врши увид за да се утврди дали тие ги исполнуваат неговите политички цели.
