Шеснаесет членови на џихадистичката група Исламска држава се во затвори во Турција, изјави турскиот министер за правда Бекир Боздаг.
Тој наведе дека тројца од нив се под истрага во врска со смртоносен напад во анадолиската провинција Нигде на 20 март оваа година. Нападот бил извршен на пат крај селото Гедели во округот Нигде.
Напаѓачите отвориле оган врз полицајци, кои вршеле провеки на пат и притоа загинале двајца од нив.
– До 19 ноември во затвор се 16 членови на терористичката организација ИД или лица кои работат во корист на Исламска држава, нагласи тој.
Боздаг рече дека засега немаат информации за тоа чии граѓани се лицата од ИД кои се во турски затвори.