Четири години „зелената“ коалиција ДУИ/СДСМ ја управува општина Струга. Сите институции, и централни и локални се под капата на ДУИ и СДСМ. Четири години Струга е еден од најзагадените градови не само во Македонија, туку и во рамките на поширокиот регион, истакна пратеникот од редовите на ВМРО-ДПМНЕ, Мирче Аџиоски.
„Зад мене се фотографии од струшката дива депонија. Струга и стружани дишат загаден воздух кој доколку има мерни станици за загаденоста на воздухот нема да можат ниту да го измерат.
Четири години ДУИ и СДСМ не прават ништо за да ја исчистат дивата депонија и да забранат фрлање на смет на таа локација.
Ова се слики од влезот на Струга, кој е буквално исполнет со мали депонии. Ова е сликата која што секој домашен и странски турист ја гледа кога доаѓа во Струга.
Овие диви депонии се наоѓаат во непосредна близина на езерото, и покрај тоа што го загрозуваат здравјето на луѓето и ја загрозуваат и целата непосредна околина, вклучувајќи го и езерото.
Зелената коалиција ДУИ – СДСМ не кажаа ниту збор кога се палеа трските пред езерото, кои се дел од посебниот еко простор пред езерото, и се дом на голем број на птици. На ДУИ и СДСМ не само што не им пречи, туку не се ни погрижија да го најдат сторителот.
Во градовите и во цела Република Македонија каде на власт се зелената коалиција ДУИ – СДСМ Македонија дише загаден воздух, има диви депонии насекаде, и животната средина трпи разни загадувања“, рече Аџиоски
