Кошаркарите на Цедевита Олимпија го победија ФМП на домашен терен со 87:77 (23:24, 26:16, 15:16, 23:21), во првиот четвртфинален натпревар од регионалната АБА лига.
Тимот од Љубљана дојде до клучната предност во текот на втората четвртина. Домашните ја добија таа делница со 26:16, а потоа цело второ полувреме, иако ФМП се закануваше, ја одржуваа предноста.
Кевин Ферел Џуниор. беше најдобар стрелец во победничкиот тим со 20 поени, а имаше и пет асистенции и четири скока. Ален Омиќ додаде 15 поени со десет скока. Кај гостите најдобар беше Чарлс Мур со 18 поени и седум асистенции.
Вториот натпревар се игра следната сабота кога домаќин е ФМП. Екипата која прва ќе оствари две победи ќе напредува.
Црвена ѕвезда поведе со 1-0 во серијата претходно против Задар, односно Будуќност против Мега, додека Партизан и СЦ Дерби треба да го одиграат првиот натпревар
