Кошаркарите на Задар во рамките на шестото коло на регионалната АБА лига во понеделникот во вечерта ја совладаа во Белград домашната Црвена ѕвезда со 98:96 (27:19. 25:22, 23:25, 23:30).
Клучни се покажаа првите две четвртини во кои Задар дојде до 11 поени предност, Во втората половина од дуелот Ѕвезда го намалуваше заостанувањето а во последната четвртина, на минута ипол до крајот, дојде и до еден поен разлика (92:91). Тогаш Марко Рамљак погоди две слободни фрлања, а Лакиќ на 39 секунди до крајот и удар за два поена со што Задар се одлепи на 96:91.
Ѕвезда потоа се приближи на три поени разлика по кошот на Петрушев, а Дрежњак промаши шут за два поена на 10 секунди пред крајот. Откако Жганец реализираше две слободни фрлања на 8 секунди пред крајот за водство на Задар 98:93, Лазиќ погоди „тројка“ за Ѕвезда која намали на 96:98, но повеќе немаше време.
Задар до победата го предводеа Антонио Јордано со 23 коша и 5 асистенции, Дарио Дрежњак додаде 22 коша со 6 скокови и 5 асистенции, а Марио Рамљак 20 коша, 7 скокови и 6 асистенции.
Најдобар во редовите на Ѕвезда беше Бенџамин Бентил со 19 коша и 9 скокови, додека Лука Вилдоза додаде 16 коша со 11 асистенции.
Задар во моментов е трет на табелата со сооднос на победи и порази од 4-2 или 10 бодови, додека Ѕвезда е шеста со четири победи и еден пораз, односно девет бодови.
