Јавниот обвинител Ислам Абази се заблагодари на довербата од Советот на јавните обвинители, назначувајќи го за член на Управниот одбор на Академијата за судии и јавни обвинители. Тој ќе достави барање до Советот на јавните обвинители да го повлече предлогот за негово назначување во Управниот одбор.
-Како што истакнав и во моето првично обраќање до јавноста, мојата сопруга во моментов е слушател на Академијата за судии и јавни обвинители. Со оглед на тоа што таа е пред завршување на Академијата, не сакам да има било каков сомнеж во објективноста при спроведувањето на завршниот испит и оценувањето. Затоа се откажувам од членувањето во Управниот одбор на Академијата за судии и јавни обвинители и барам Советот да ја измени одлуката, истакна Абази во барањето што ќе го достави до Советот на јавните обвинители.
