Контроверзниот австралиски тенисер со грчко потекло Ник Киргиос ќе бара да биде отфрлено обвинението поднесено против него за напад, наведувајќи го неговото ментално здравје, известуваат во вторникот австралиските медиуми.
Адвокатот на Киргиос го застапувал тенисерот пред судот во Канбера, каде што 27-годишниот австралиски спортист е обвинет за физички напад. Случајот со нападот датира од декември 2021 година, но поединостите од обвинението сѐ уште не се познати.
Финалистот на Вимблдон, чиешто присуство не било потребно во текот на оваа во основа административно сослушување, моментално е во Јапонија, каде што учествува на турнирот во Токио.
Неговиот адвокат Мајкл Кукулиес-Смит побарал одложување за да се овозможи процена на менталното здравје на Ник Киргиос, според многуте медиуми, вклучително и јавниот австралиски сервис ABC News и влијателниот дневниот весник Sydney Morning Herald. Следното рочиште е закажано за 3-ти февруари.
Претходно годинава Киргиос тврдеше дека долго пател од депресија и дека има „суицидни мисли“, а во долгата порака на социјалните мрежи проследени со негова фотографија снимена во 2019 година во текот на Отвореното првенство на Австралија.
„Доколку подобри ја погледнете фотографијата, можете да забележите дека ја самоповредував својата десна рака. Имав суицидни мисли и дословно имав проблем со станувањето од кревет, а да не споменувам настап пред милиони луѓе“, објави тогаш Киргиос.
