НАТО остaнува најважен столб како гарнција за спроведување на Рамковниот договор, изјави лидерот на ДУИ, Али Ахмети на приемот по повод поканата за влез во Северно-атланската алијанса.
Според Ахмети, пред 17 години тогашната ОНА преговарала со НАТО за демобилизирање, а денес партијата ја завршува својата мисија.
Предвремени избори не се решение за излез од политичката криза. Политичките партии треба да најдат енергија за да се доближат ставовите на власта и опозицијата. Недоразбирањето е околу договорот со Грција. И гласање против е демократски глас. Нема друга алтернатива освен ЕУ и НАТО. Ако има некој друга нека ја каже. Опозицијата мора да биде дел од решението. Членството во НАТО придонесува за поголема стабилност, повеќе безбедност, поголема верба во иднината, но и креира доверба бидејќи завршуваат претензиите, соништата и секаков вид идеологија, изјави Ахмети.
На приемот организиран во еден скопски ресторан присуствуваа членови на ДУИ, поглаварот на Исламската верска заедница, амбасадорот Џес Бејли, собранискиот спикер Талат Џафери и останати дипломати.
