Агенцијата за храна и ветеринсарство денес објави препораки за болеста Чвореска кожа кај говедата.
Во продолжение интегрален текст од препораките на АХВ:
ПРЕПОЗНАЈЕТЕ ЈА БОЛЕСТА НА ЧВОРЕСТА КОЖА КАЈ ГОВЕДАТА!
- Болеста Чвореста кожа кај говедата е вирусно заболување,
- Болеста не е зооноза и не постои ризик по здравјето на луѓето!!!
- Месото и млекото од заболените животни не се опасни за човечка употреба, бидејќи болеста Чвореста кожа ги напаѓа само животните односно говедата.
- Забраната за употреба на млеко и месо од заболени животни е воведена како мерка само за да се спречи ширењето на болеста меѓу говедата.
- Предзивикува висока телесна температура кај животните – (до 410C ),
- Појава на чворести промени на кожата,
- Пад на млечноста,
- Исцедок од носот и очите и појава на абортуси кај гравидните животни.
Сточари!
Доколку забележите вакви знаци кај говедата веднаш известете го својот надлежен ветеринар – ветеринарното друштво или Агенцијата за храна и ветеринарство!
КАКО СЕ ПРЕНЕСУВА БОЛЕСТА?
- Преку инсекти (комарци и шталскимуви),
- Директно преку контакт на заболено со здраво животно,
- Индиректно преку заразена храна, вода, измет, заразени материјали опрема и друго.
ЗАШТИТЕТЕ ГИ ЖИВОТНИТЕ!
- Говедата држете ги затворени во штала – да не се пуштаат на паша,
- Не ги мешајте со говеда од соседните и други одгледувалишта,
- Ставете на шталата/објектот заштита од инсекти и редовно вршете дезинсекција и дезинфекција,
- Заштитетеги и животните од убоди од инсекти,
- Користете средства против инсекти (репеленти) кои се регистрирани во Република Македонија и во согласност со упатството на производителот,
- Репелентите по можност да немаат каренца за млекото и месото.
КОИ БИОСИГУРНОСНИ МЕРКИ ТРЕБА ДА СЕ СПРОВЕДАТ НА ОДГЛЕДУВАЛИШТАТА?
- Oдгледувалиштето/фармата да има само еден влез и еден излез,
- Поставете знак за предупредување /забранет влез/,
- Дезинфицирајте ги чевлите и рацете при влез и излез од одгледувалиштето/фармата,
- Поставете дезинфекциони бариери на влезот и излезот на одгледувалиштето/фармата како и навлезот и излезот на секој објект,
- Користете заштитна облека при работа и истата треба редовно да се чисти и дезинфицира,
- Изолирајте ги болните од здравите животни, по можност во посебна просторија,
- Работниците кои работат со болни животни да немаат пристап до здравите животни на фармата,
- Редовно чистете го изметот од објектите и соодветно да се отстранува,
- Задолжително вршете дезинфекција на возилата при влез и излез од одгледувалиштето/фармата,
- Правилно складирајте ја и чувајте ја храната и водата на одгледувалиштето/фармата
- Поставете мрежи против инсекти на прозорците, вратите, отворите за вентилација.
Ги повикуваме сточарите за секоја дилема во врска со болеста да се обратат во Агенцијата на бесплатниот телефонски број 0800 3 22 22, или електронски на [email protected].
