Пензионерите од повеќе градови од државава денеска на Меѓународниот ден на пензионерите – 20 Септември, протестираат пред Владата, поради што затворен е за сообраќај булеварот „Илинден“.
Нивните барања се линеарно зголемување на пензиите за 3.500 денари за секој пензионер, а не процентуално, согласно Законот за пензиско и инвалидско осигурување, како и промена на методологијата за пресметка на пензиите.
Министерката за труд и социјална политика Јованка Тренчевска завчера најави дека до крајот на месецот очекува конкретни предлози во однос на пензиите, со фокус на пензионерите со ниски месечни примања, а за што изминатиот период заседаваше работната група формирана по првиот протест на пензионери во Скопје.
