Во средбата од 18-то коло на шпанското фудбалско првенство Депортиво Алавес ја победи со 2:1 Валенсија, со што се искачи на четвртото место на Примера, додека Хуеска со ист резултат го порази Реал Бетис и дојде до само втората победа сезонава.
Валенсија поведе во 14 минута прекуи Дани Переха, но само шест минути подоцна израмни Борха Бастон. Целосниот пресврт беше дело на Томас Пиња во последните моменти од првиот дел. Во продолжението „Лилјаците“ се обидуваа да израмнат, но Алавес успеа да ја продолжи серијата без пораз на домашен терен на девет дуели, со пет победи и четири ремија. Единствен клуб кој со Алавес сезонава нема домашен пораз е Атлетико Мадрид со седум победи и два ремија.
Алавес сега има 31 бод, на четвртокот место, бод повеќе од Реал Мадрид, а бод зад Севилја, три зад Атлетико и шест зад Барселона кои имаат и меч помалку. Валенсија моментално остана на 11-то место со 22 бода.
Во вториот меч вечерва Хуеска го победи Реал Бетис. Хуеска сезонава ја отвори со победа против Еибар, исто така, со 2:1, но потоа во дури 16 натпревари не успеа да победи. Серијата ја прекина иако гостите први поведоа со голот на Арналдо Санабрија од пенал во 44 минута. Израмни Давид Фереиро во 74 минтуа, а шест минути подоцна еуфоријата на стадионото „Ел Алкораз“ ја предизвика Кристијан Ривера.
Хуеска остана на последното 20-то место со 11 бодови, пет помалку од групата екипи кои се борат за спас. Реал Бетис, пак, моментално е шесто соп 26 бодови.
Во првиот дуел од саботнтата програма Рајо Ваљекано како гостин со голот на Алваро Медран уште во првата минута го совлада Вајадолид. Домашните во 87 минута не реализираа пенал, откако македонскиот репрезентативен голман Столе Димитриевски го одбрани ударот на Мичел.
Рајо Ваљекано и натаму остана на претпоследното 19-то место на табелата, но е во групата екипи со по 16 бодови, иако има меч помалку од директните конкуренти за останување во Примера. Вајадолид е 14-ти со 21 бод.
Во петокот Леванте и Жирона одиграа 2:2, а Еспањол со 1:0 го победи Леганес.
Во недела играат Еибар Вилјареал, Севилја – Атлетико Мадрид, Реал Мадрид – Реал Сосиедат и Хетафе – Барселона, додека во понеделник се среќаваат Селта Виго и Атлетик Билбао.
