Албанија е на второ место по барателите на азил според бројот на жители, веднаш зад Сирија, објавија албанските медуми повикувајќи се на Европската канцеларија за азиланти.
Според податоците на канцеларјата, Албанија има 18 апликации на 100.000 жители.
„Во април и мај има пад на барањата за азил, но затоа пак нивниот број се зголемува од јуни. Во извештајот се наведува дека во јули имало 505 апликации, од кои 366 биле првпат. Во споредба со јуни, има 171 апликација повеќе, додека споредено со истиот период лани бројот е трипати помал“, пренесе телевизијата Ora News.
Споредено со истиот период минатата 2019 година, има намалување за 72 отсто, што е последица на ограничувањето на движењата поради новиот коронавирус и затворање на границите.
Според податоците на Евростат, околу 75 отсто од Албанците кои бараат азил во земјите на Европската унија се на возраст под 34 години.
