Министерот за внатрешни работи Саимир Тахири објави на својот профил на Фејсбук дека кабинетот одобрил нацрт-закон, според кој нема да бидат кривично гонети и казнети оние кои ќе го предадат оружјето до 30 април следната година.
Поседувањето на незаконско оружје може да донесе казни до 15 години затвор, но стари автомати „Калашников“ од армијата и многу пиштоли купени во Европа масовно се користат во криминалните пресметки, како и во случаите на крвна одмазда.
Во рамки на проектот на Обединетите нации беа собрани околу 200.000 парчиња оружје, но според проценките приближно исто толку се уште се незаконски во рацете на граѓаните.
