Амбасадорот на САД Пол Волерс и првиот човек на делегацијата на ЕУ во Македонија Аиво Орав присуствуваат на конститутивната седница на осмиот собраниски состав, која е во тек. Присуството на двајцата амбасадори во законодавниот дом, како и на голем број претставници на дипломатскиот кор е јасна порака против сите кои се одлучија да бојкотираат.
Голем број меѓународни институции и светски политичари во изминатиов период јасно и гласно повикуваа дека бојкотот на Собранието не е пожелен и може да и донесе штета на Македонија, дополнително потенцирајќи дека опозицијата треба да ги прифати изборните резултати и волјата на граѓаните кои гласаа на најмирните, фер и демократски избори во историјата на Македонија.
Имено, денешната седницата ја води најстариот пратеник Стојан Миланов од Социјалистичката партија, а на неа, од вкупно 123 избрани претставници присуствуваат 85 пратеници. Како што најавија, на седницата не присуствуваат членовите на опозициските СДСМ и нејзините коалициски партнери, како и пратеникот од НДП кои освоија мандати на предвремените парламентарни избори на 27 април. СДСМ и коалицијата освои 34 мандати, а НДП еден.
Откако ќе бидат избрани претседател и членови на Верификациската комисија на Собранието на Република Македонија, ќе бидат верификувани мандатите на пратениците. Потоа ќе следува избор на претседател, заменик на претседателот, членови и нивни заменици на Комисијата за прашања на изборите и именувањата, која може да предложи претседател на Собранието од редот на пратениците. Претседател на Собранието можат да предложат и најмалку дваесет пратеници. За да биде избран претседател на Собранието потребни 62 гласа.
На седницата присуствуваат новоизбраниот претседател Ѓорге Иванов и други гости од политичкиот јавниот живот од Македонија, верските лидери во земјата.
Според официјалните конечни резултати на Државната изборна комисија од предвремените парламентрани избори, одржани на 27 април, во идниот состав на Парламентот треба да седнат 61 пратеник од ВМРО-ДПМНЕ, 19 од ДУИ, 7 од ДПА и 1 од ГРОМ.
