Американскиот претседател Доналд Трамп, во средата објави дека својот сегашен амбасадор во Германија, а кој со своите изјави предизвикуваше остри реакции од Берлин, Ричард Гренел, ќе го именува за привремен директор на Националната разузнавачка агенција, којашто под себе има 17 разузнавачки служби.
„Среќен сум што можам да ве известам дека нашиот многу почитуван амбасадор Ричард Гренел ќе стане наш привремени директор на националната разузнавачка аганеција. Рик извонредно добро ѝ служеше на нашата земја и одвај чекам да соработувам со него“, напиша претседателот Трамп на Twitter .
Именувањето на Ричард Гренел, кој е доследен соработник на Доналд Трамп, треба да го потврди Сенатот за да стане постојан директор на националната разузнавачка агенција.
Педест и тригодишниот Гренел, поранешен портпарол на кампањата на републиканецот Мит Ромни за претседателските избори во 2012 година кој не ја сокрива својата хомосексуалност, со своите недипломатски изјави ги разгневуваше германските челници. Со една го обвини Берлин дека „ги навредува“ САД, бидејќи германски министер направи споредба меѓи американската и кинеската шпионажа.
Гренел ќе го замени сегашниот привремен директор на националната разузнавачка агенција, Џо Мегваир, кому претседателот Трамп му се заблагодари на „извонредното залагање“. Некои политичари од Демократската партија во средата го критикуваат недостигот од искусто на Ричард Гренел во разузнавачката сфера, нарекувајќи го „потрчко“ на Доналд Трамп.
