Американските и британските воздушни сили го нападнаа аеродромот под контрола на Хутите во пристанишниот град Ходеида доцна ноќта во петокот, тврдат прохутустичките медиуми.
„Американско-британските агресори го нападнаа меѓународниот аеродром во Ходеида“, објави телевизијата al-Masirah, која се смета за гласноговорник на шиитското бунтовничко движење кое контролира огромен дел од Јемен.
Медиумите не соопштуваат повеќе детали за нападите, но објавија дека аеродромот бил гаѓан неколку часа по островот Камаран, кој се наоѓа на југот на Црвеното Море.
Американската и британската страна сѐ уште не ги коментирале овие наводи.
Ходеида е стратешки важно пристаниште на Црното Море. Според податоците на Обединетите нации, околу 70 отсто од вкупниот увоз и 80 отсто од хуманитарната помош влегуваат во Јемен преку тој град, земја уништена од долгата граѓанска војна и хуманитарната криза како резултат на тоа.
Хутистите со месеци напаѓаат трговски бродови во Црвеното Море поврзани со Израел и со неговите западни сојузници, барајќи прекин на израелската офанзива во Појасот Газа. Американските и британските сили реагираат на нападите врз наводни воените позиции на Хутистите Јемен.
Израел, исто така, го нападна пристанишниот град на 20 јули, ден откако Хутите го нападнаа Тел Авив со дрон и погодија станбена зграда, при што загина едно лице. Јеменските бунтовници најавија дека ќе продолжат да го гаѓаат Израел, со насочување на неговата инфраструктура.
