Флорентино Перез, претседателот на новиот европски клупски шампион, тимот на Реал Мадрид, откри дека актуелниот предводник на “кралскиот клуб”, Карло Анчелоти, пред да се пресели на “Сантијаго Бернабеу” добил понуда да биде менаџер на најтрофејниот клуб во англиската Премиер лига, Манчестер Јунајтед.
“Анчелоти доби телефонски повик од легендарниот менаџер на Манчестер Јунајтед, сер Алекс Фергусон. Карло доби понуда да биде наследник на Фергусон, да биде менаџер на “Олд Трафорд”. Сепак, Карло веднаш го информираше шкотскиот стручњак дека веќе има постигнато договор со Реал Мадрид и дека се подготвува за преселба на “Сантијаго Бернабеу”, откри првиот човек на “кралскиот клуб”.