Американските планови за обука на украинските војници за користењето на ракетните системи „Patriot“, првенствено наменети за противвоздушна одбрана, е уште еден доказ за учеството на САД во украинската војна, изјави во вторникот рускиот амбасадор во Вашингтон.
„Одлуката на американското Министерство за одбрана да организира обука во Форт Сили во Оклахома, е уште една потврда за де-факто учеството на Вашингтон во конфликтот во Украина на страната на киевските нацистички злосторници“, изјави амбасадорот Анатолиј Антонов во соопштението што го објави амбасадата.
Антов притоа посочува дека вистинската цел на американската дипломатија е „со рацете на Украинците да ѝ се нанесе што поголема штета на Русија на бојното поле.
Претходно во вторникот американски функционер кој за Reuters зборувал под услов да остане анонимен, рече дека обуката на украинските војници за користење на системите „Patriot“ ќе се одвива следните седмици.
САД во декември одлучија да ѝ додела на Украина нов пакет воена помош во висина од 1,85 милијарди долари, а кој првпат ќе ги вклучува системи за противвоздушна одбрана „Patriot“, како што истакна тогаш американскиот државен секретар Ентони Блинкен дека тоа е потребно за Киев да дојде до што подобра позиција во преговори „кога ќе дојде времето“ за тоа.
Аналитичарите од вашингтонскиот Центар за стратегиски и меѓународни студии (CSIS) минатата седмица објавија процена дека се очекува батеријата „Patriot“ да ѝ биде испорачана на Украина во текот на февруари 2023 година.
Останува нејасно чии воени екипажи ќе дејствуваат со овие скапи и софистицирани системи во Украина, односно дали за тоа веќе биле обучувани украински војници, бидејќи во вообичаени услови станува збор за сложена повеќемесечна обука.
Русија во неколку наврати ги предупреди САД дека предавањето на ваквите напредни системи оружје на Украина само водат кон ескалирање на воените судири и продолжување на страдањето на луѓето од двете страни на боиштето. Уште кон средината на декември портпаролот на Кремљ, Дмитриј Песков, на брифингот со новинарите предупреди дека системите „Patriot“ ќе бидат легитимна мета на руските сили веднаш штом ќе бидат детектирани на украинска територија.
„Patriot“ е најскапото оружје дадено на Украина
Западните медиуми пренесувајќи ја информациите наведува дека „Patriot“, кој го произведува компанијата од наменскиот воен сектор „Raytheon“ е „најсофистицираниот систем за противвоздушна одбрана“ на САД.
Не е познато колку модифицираниот „Patriot“ според своите технички карактеристики и ефикасноста е подобар од најнапредниот американски систем за противоздушна и противракетна одбрана ТHAAD (Therminal High Altitude Area Defense), како што го опишува неговите производител „Lockheed Martin“ и „Raytheon“, проценет на две милијарди долари од кои само еден е надвор од САД разместен е пред повеќе од осум години во Јужна Кореја, а вториот испорачан во 2019-та во Израел
Меѓутоа, според стручњаците од вашингтонскиот Центар за стратегиски и меѓународни студии (CSIS), системот „Patriot“ ќе стане „најскапиот вооружен систем кој САД ѝ го доставија на Украина“ досега. Имено секоја единица чини околу 1,1 милијарда долари, и тоа 400 милиони се лансерите, командниот модул и радарскиот систем за лоцирање, и околу 700 милиони долари за ракетите за пресретнувачи. Еден проектил од најновата модификација го чини Пентагон 4,1 милиони долари.
Станува збор за армиски мобилни системи за противвоздушна одбрана стапија во вооружувањето на американката војска во 1980-те години. Развиени се за соборување авиони, беспилотни летала, крстосувачки и балистички проектил со краток и среден дострел. Една батерија вклучува пет до осум мобилни единици. На платформата може да се сместат контејнери за лансирање за 4 или 16 проектили, во зависност од модификацијата.
Во моментов системи „Patriot“ во своите вооружување ги имаат или планираат наскоро да ги набават 18 земји во светот, меѓу кои Германија, Израел, Јапонија, Јужна Кореја, Романија…
Овие системи американската војска активно ги користење во текот на операциите во Персискиот залив, односно Заливската војна во 1991-ва и инвазијата на САД и сојузниците врз Ирак во март 2003 година.
