Јапонија најави намалување на буџетските трошоци првпат по 12 години, поради шпекулациите дека централната банка наскоро може да се откаже од повеќе од две децении ултралабавата монетарна политика.
Буџетот за фискалната година што започнува во април се проценува на 112,07 трилиони јени (715 милијарди евра), што е за два отсто намалување од првичниот износ за тековната година.
Во последниве години, јапонскиот буџет беше под притисок од трошоците за одбрана за справување со заканите од Кина и Северна Кореја, како и со трошоците за социјална помош за општеството кое брзо старее.
Третата по големина економија во светот е под притисок да ја врати кондицијата на јавните финансии, кои се соочуваат со зголемување на каматните стапки по долготрајните стимулирања и потрошувачката го зголемија долгот.
Проценувајќи ги трошоците за задолжувањето, јапонската влада го зема предвид нивниот раст за следната фискална година, што би претставувало прво зголемување во последните 17 години. Планот покажува зависност од задолжувањето од 31,2 отсто, што значи дека новите продажби на обврзници сочинуваат една третина од буџетот.
Повеќе од две децении ултраниските каматни стапки ја олабавија фискалната дисциплина во земја оптоварена со јавен долг повеќе од двојно поголем од нејзината економија.
