Кавани и неговите сонародници на почетокот на 2022 година стигнаа до две победи и се на добар пат да обезбедат директен пласман во Катар. Бентакур ја затресе мрежата на Венецуела во првата минута, по што Де Араскет зголеми на 2-0 во 23. минута, а до крајот на првиот дел и Кавани стрелаше за 3-0. Распадот на противникот продолжи и во вториот дел кога Суарез погоди за 4-0, по што Мартинез го ублажи поразот во 65. минута (1-4).
Аргентина беше подобра од Колумбија со голот на напаѓачот на италијанскиот шампион Интер, Лаутаро Мартинез, додека Бразилците ја наполнија мрежата преку Рафиња, Кутињо, Ентони и Родриго.
Бразилците се први на табелата со 39 бодови по 15 одиграни меча, а на втората позиција е Аргентина со 35. По нив следат Еквадор со 25, Уругвај има 22, Перу 21, а Чиле со 19 бода е на шестото место во квалификациите.
