Фудбалерите на лондонски Арсенал се елиминирани во раната фаза од годинешниот англиски ФА Куп, откако во третото коло беа елиминирани на гости кај Нотингем Форест.
Погодокот кој му донесе пласман во следниот круг на второлигашот од Нотингем го постигна „џокерот“ од клупата за резерви Луис Грабан во 83 минут. Иако Арсенал до крајот на мечот со сите сили настојуваше да израмни, домашните многу лесно ги одбиваше нападите и во одлична атмосфера на трибините ја прослави големата победа.
Во следното коло Нотингем Форест, исто така, на домашен терен ќе го пречека Лестер Сити, уште еден прволигаш кој сезонава игра со големи осцилации.
Нотингем Форес во моментов е на 9-то место од англиската втора лига – Чемпионшип, додека Арсенал до неодамна беше во одлична серија од пет победи која беше прекината со домашниот пораз од водечкот Манчестер Сити со 1:2, а сега следеше и неуспехот во ФА Купот.
Инаку Арсенал со 14 титули е рекорден во ова најстаро фидбалско натпреварување на светот, а уште седум пати играл во финалето.
РЕЗУЛТАТИ
Нотингем Форест – Арсенал 1:0
Кардиф – Престон 1:1, 2:1
Лутон – Херогејт 4:0
Стоук – Лејтон 2:0
Ливерпул – Шрусбери 4:1
Тотенхем – Моркам 3:1
Вулверхемптон – Шефилд Јунајтед 3:0
Чарлтон – Норич 0:1
Вест Хем – Лидс 2:0
