На денешните завршни зборови во случајот Меѓународен сојуз, првообвинетиот Бојан Јовановски призна дека учествувал во поставувањето на Стефан Богоев сега веќе поранешен градоначланик на скопската општина Карпош од СДСМ и посочи притоа дека без ангажирање на поранешниот премиер Зоран Заев не можело ништо да се оствари.
„Не сум јас цвечка за мирисање, ниту сум најчесниот човек на светот, но за ова кривично дело не сум сторил ништо, поради тоа што сум измамен и од Стефан Богоев кој што сум го направил градоначалник и ја зборувам најотворено вистината и дека тој и од тој Зоран Заев ќе обезбеди и од сите тие 350 илјади евра и од сите тие кои што учествувале во сето тоа и најмалку е одговорна оваа жена која седи тука, одговорно ви тврдам во тоа“, рече Јовановски.
Додаде дека интервенирано било и кај локалните власти и кај извршната власт е интервенирано, па така Зоран Заев бил запознаен и Фиат Цаноски одел кај него на состаноци и го информирал за земјиштето во општина Карпош, па Заев му се јавувал на Богоев и тоа се ноторни факти и вистина што ги има во мојот телефон, додаде тој.
„Ниту со едните сум имал намера да ги измамам, ниту со другите. Точно е дека ми ветувале се, а во еден момент сум се занел, точно е дека јас сум се сликал со политичарите, но повеќе сум злоупотребен јас од нив, особено од оваа гарнитура за која зборуваме и бидејќи без нив и главата Зоран Заев сето ова не можело да се случи, точно знаеме во оваа држава како функционира се и дека се е политизирано и ова е политички предмет“, рече Јовановски.
Му предложи притоа на судот да биде целосно ослободен бидејќи не е виновен. Пресудата ќе биде изречена на 70ми април во 11 часот.
