Сирискиот претседател Башар ал-Асад оствари убедлива победа на претседателските избори со 95,1 процент од гласовите.
Право на глас имаа 18 милиони луѓе, а според конечните податоци на Државната изборна комисија, на гласање излегоа 78,66 проценти од запишаните гласачи.
Сириската опозиција ги нарече изборите фарса, додека САД и европските земји кажаа дека не биле ни слободни, ни фер.
– Мислењето на западот го множам со нула -изјави Асад.
Покрај Асад, на изборите учествуваа и еден поранешен министер и поранешен член на опозицијата. Двајцата заедно имаа помалку од пет проценти од гласовите.
Башар ал-Асад ќе ја извршува функцијата претседател по четврти пат по ред.
Владата тврди дека изборите покажуваат дека Сирија функционира нормално и покрај децениската војна. Опозицијата и западните нации ги сметаа изборите како можност за консолидирање на владеењето на Асад.
Асад првпат дојде на власт во 2000 година, по смртта на неговиот татко Хафез, кој владееше 30 години.
