Безбедноста во однос на кошаркарскиот натпревар во Евролигата во вторник меѓу Панатинаикос и Макаби Тел Авив во Атина ќе биде значително зголемена по нападот врз израелските навивачи во Амстердам минатата седмица, соопшти грчката полиција.
За овој дуел ќе бидат мобилизирани околу 1.500 полицајци, изјави полициски извор за AFP. Само 40 навивачи на израелскиот клуб добија дозвола да бидат на трибините, вели изворот, додавајќи дека на натпреварот сакале да учествуваат и други навивачи, но полицијата одбила поради страв од можни масовни физички пресметки.
Дел од силите ќе бидат доделени на навивачите на Макаби, додека антитерористичката полиција ќе го придружува тимскиот автобус, додека израелската амбасада во Атина, исто така, ќе има зголемено обезбедување.
Безбедноста ќе биде зголемена и околу „Стад де Франс“, во париски Сен Дени, за фудбалскиот натпревар Франција-Израел во четвртокот, со мобилизирани 4.000 полицајци околу и внатре во стадионот.
