Претставниците на конзервативната Австриска народна партија (ÖVP) и Социјалдемократската партија на Австрија (SPÖ) се состанаа во кабинетот на канцеларот во саботата на разговори за формирање влада, откако нивните разговори со третата партија за трипартитна коалиција не успеаја.
ÖVP, SPÖ и Neos преговараа за формирање коалиција од средината на ноември, со цел да го го држат победникот на изборите, десничарската суверенистичка Партија на слободата на Австрија (FPÖ), надвор од власта.
ÖVP и SPÖ би имале само минимално мнозинство во парламентот.Преостанатите две партии може да се соочат со тешкотии во постигнувањето договор со оглед на нивните различни ставови за тоа како да се надмине економската криза во земјата и да се реорганизира државниот буџет. Австрија е среде економска криза и во исто време мора да спроведе големи кратења за да ги исполни критериумите на ЕУ за финансиска стабилност.
Повеќемесечните преговори на австриските социјалдемократи, народњаци и либерали за тричлена коалиција пропаднаа во петокот со повлекувањето на либералната партија Neos, која најави можност за поддршка на проектите договорени досега во парламентот доколку двете преостанатите партии формираат влада.
„Особено во последните неколку дена можеше да се почувствува дека и покрај многуте предлози на Neos, волјата за реформи не може да се препознае“, рече претседателката на партијата Neos, Беате Мајнл-Рајзингер во обраќањето пред медиумите.
Таа рече дека во преговорите повеќе се чувствува „размислување за следните избори“ и задоволство на гласачите отколку вистинска волја за реформи.
Народната партија на Австрија (ÖVP), Социјалдемократската партија на Австрија (SPÖ) и либералниот Neos преговараат од средината на ноември за формирање на првата трипартиска коалициска влада во Австрија.
На парламентарните избори во септември, десничарската Партија на слободата на Австрија (FPÖ) освои најмногу гласови, но никој не беше подготвен да преговара со таа партија за формирање влада.
Заедно SPÖ и ÖVP имаат тесно мнозинство од еден глас во парламентот, но сакаа да постигнат стабилно мнозинство во коалиција со партијата Neos.
Од ÖVP ги обвинија „регресивните сили“ во рамките на SPÖ кои, како што рече генералниот секретар на ÖVP, Кристијан Штокер, надвладеале над силите „ориентирани кон иднината“ во Социјалдемократската партија.
И претседателот на ÖVP и актуелниот канцелар Карл Нехамер ја критикуваа позицијата на социјалдемократите последните седмици, особено во однос на буџетот и даноците.
Со оглед на тоа што Партијата на зелените од самиот почеток одби да влезе во коалиција со Народната партија и Социјалдемократите, ÖVP и SPÖ сега можат да формираат влада со тесно мнозинство или ќе бидат распишани нови избори.
Според анкетите на јавното мислење, FPÖ би можела да постигне уште поубедлива победа на новите избори отколку во септември, кога 28 отсто од Австријците гласаа за крајната десница. Во септември, ÖVP освои 26 отсто од гласовите, а SPÖ 21 отсто.
