Австрискиот претседател Александер Ван дер Белен изјави во средата дека не може да ја задолжи крајнодесничарската Партија на слободата (FPO) да формира влада откако таа победи на општите избори, бидејќи ниту една партија не сакаше да владее во коалиција со неа, па таа и другите две наместо тоа, самите големи партии требаше да го надминат ќор-сокакот.
Партијата на слободата на Австрија победи на парламентарните избори пред десет дена, прва историска победа на партијата основана во 1950 година од лидер кој според критичарите наводно бил офицер на нацистичките гермаски SS дивизии и претставник на нацистите, но од 1990-те години таа ејствува како европскептична суверенистичка, а последните години ѝ е прилепена и етикетата на „проруска“ партија. На изборите откако обезбедија 29 отсто од гласовите, сега им е потребенн коалициски партнер за да добијат мнозинство во парламентот и да формираат влада.
Само конзервативната Народна партија (OFP) на канцеларот во заминување Карл Нехамер, која и порано коалицираше со „слобоарците“, ја остави отворена вратата за коалиција со „евроскептичната, пријателска на Русија“ FPO, но не и ако нејзиниот лидер Херберт Кикл биде дел од следната влада.
Кикл инсистира дека тој треба да стане канцелар и дека секоја коалиција без FPO би била „коалиција на губитници“ и „шамари“ на гласачите.
„Апсолутно нова ситуација е да има изборен победник со кој очигледно ниту една друга партија не сака да владее“, рече претседателот Ван дер Белен, кој го надгледува формирањето на влади, во телевизиско обраќање по индивидуалните разговори со лидерите на сите пет парламентарните партии.
„Моите разговори вчера и завчера (со партиските водачи) дополнително го зајакнаа тој впечаток… Класичен ќор-сокак“, рече тој, додавајќи дека Кикл му рекол дека нема да има влада предводена од FPО без него како канцелар.
Бидејќи ниту една коалиција не може да има мнозинство без две од трите водечки партии во неа, Ван дер Белен рече дека ќе побара од лидерите на тие партии – FPО, OVP и третопласираните социјалдемократи – да видат какви коалиции се можни и да го известат на крајот на следната седмица.
„Дали сите вклучени навистина го мислат она што го кажаа? Знам дека тоа е очекувано, се разбира, но сакам јасност. Јасност за Австрија“, рече шефот на државата.
