Автобус со верници што се упатил кон Велигденски фестивал паднал од мост на планински премин и се запалил во Јужна Африка, при што загинале најмалку 45 луѓе, соопштија локалните власти. Единствениот преживеан во несреќата е 8-годишно дете, на кое му била укажана лекарска помош.
Покраинската влада во Лимпопо соопшти дека автобусот излетал од мост и паднал во 50 метри длабока провалија пред да се запали. Операциите за пребарување се во тек, соопшти провинциската влада, но многу тела се изгорени до непрепознатливост и сè уште се заробени во автобусот.
Властите рекоа дека веруваат оти автобусот патувал од соседната земја Боцвана до градот Морија, кој е домаќин на популарен Велигденски аџилак.
