Еден автомобил рано утринава бил запален на улицата „Кумровец“ бр. 14 во Скопје.
Според полицијата, во 5.06 часот во Единицата за информации и команда Скопје, П.М. (60) од Скопје пријавил дека околу 5 часот слушнал звук на кршење на стакло. Кога излегол да види што се случува забележал дека неговото патничко возило „БМВ Х3“ со скопски регистарски ознаки било опожарено. Тој забележал и како две непознати лица со мотоцикл непозната марка се оддалечуваат од местото. Од опожарувањето оштетен бил предниот дел на возилото, како и десната гума.
Во 05.15 часот, од екипа на Бригадата за противпожарна заштита Скопје, пожарот бил изгаснат. Увид ќе се врши во текот на денот. Интервенирале тројца пожарникари со едно возило.
Причинета е матерјална штета од 600 илјади денари.
