На азиските берзи во петокот цените на акциите силно пораснаа, како и на њујоршки Волстрит ден претходно, но се тргува несигурно бидејќи високата инфлација во САД веројатно тамошната централна банка Federal Reserve (Fed) ќе ги одржи високите камати.
Индексот MSCI на азиско-пацифичките акции без јапонските во претпладневното тргување по европско време беше во плус од 2,7 отсто. Притоа на Токиската берза индексот Nikkei скопна за 3,4 отсто, додека цените на акциите во Шангај, Австралија, Јужна Кореја и Хонгконг, пораснаа за меѓу 1,5 и 3,4 отсто.
Азиските берзи го следат силниот раст на Волстрит, каде што Dow Jones скокна за 2,8 отсто, S&P 500 за 2,6 а Nasdaq индексот за 2,2 отсто. Имајќи предвид дека ништо значително не се променило во очекувањата во врска со инфлацијата, каматите и економијата, повеќето аналитичарите овој пресврт го објаснуваат со техничка корекција.
И во иднина се очекува многу нестабилно тргување на Волстрит. Утрово терминските S&P 500 и Nasdaq се во благ минус, па е неизвесно како денеска ќе се развива ситуацијата на Волстрит.
„Вложувачите проценија дека податоците за посилната инфлација во САД не ги поништуваат очекувањата за остриот пад на потрошувачките цени во иднина. Тоа можеби е точно, но и натаму е многу неизвесно колку брзо тие цени ќе паѓаат. За Fed тој пад и требало да биде позначителен. Падот, на пример, со 6 на 4 отсто не е доволен. Fed сака да биде сигурен дека темелната стапка на инфлацијата ќе паѓа кон целените 2 отсто, а до тоа долг е патот“, вели за Reuters Родриго Катрил, стратег во NAB.
Доларот падна, цените на нафтата стабилни
На валутните пазари вредноста на доларот кон кошниците на валутите падна. Индексот доларот, кој ја покажуваат вредноста на американската во однос на другите шест најважните светски валути, се движи околу 112,40 поени, додека вчера во истиот период од денот изнесуваше 113,.27 поени.
Притоа курсот кон доларот во однос на јапонската валута порасна со вчерашните 146,85 на 147,30 јени, највисокото во 32 години. Поради тоа јапонските власти одново, како и пред неколку седмици, се заканија со интервенција на пазарот.
Но американската валута ослабе во однос на европската, па цената на еврото достигна 0,9780 долари, додека вчера во истиот период од тргувањето изнесуваше 0,9705 долари.
Цените на нафтата, пак, стабилно се движат на вчерашните нивоа, кога силно пораснаа. Цените на барелот на лондонскиот пазар се лизнаа утрово за 0,04 отсто, на 94,55 долари, додека на американскиот пазар со барелот поевтини за 0,03 отсто, на 89,10 долари.
