Фудбалерите на Борусија и Баер одиграа 1:1 во дербито во Дортмунд во натпреварот од 30. коло на Бундеслигата, а новиот германски шампион од првиот пораз оваа сезона во последните секунди од мечот ги спаси хрватскиот репрезентативец Јосип Станишиќ.
Борусија поведе во 81. минута преку Никлас Фулкруг, а тој резултат траеше до седмата минута од судиското надополнување на мечот кога нафрлувањето од Вирц во гол го претвори Станишиќ.
Минатата седмица Баер ја освои историската, прва шампионска титула, а сѐ уште е непоразен по 30 кола. Борусија Дортмунд е петта со два бода помалку од Лајпциг, кој го држи водството во Лигата на шампионите.
Покрај тоа, „Аптекарите“ ја продолжија серијата без пораз на 45 натпревари во сите натпреварувања. Имаат 38 победи и седум нерешени.
