Синоќа беа одиграни првите осум меча од третото коло во Лигата на шампионите. Натпреварите изобилуваа со голови, а се чини најинтересно беше онаму каде што и се очекуваше тоа, на мечот помеѓу Рома и Баерн Минхен.
“Баварците” буквално го растурија тимот на Рома, и тоа среде Рим, славејќи со убедливи 1:7 (0:5). Убедливата победа беше најавена уште во 9-та минута од мечот, кога холандскиот репрезентативец Арјен Робен постигна погодок, со кој тимот на Баерн поведе со 0:1. Водството беше зголемено во 23-та минута, кога погоди Марио Геце, а веднаш потоа, за само две минути, гол постигна и Роберт Левандовски. До крајот на полувремето голови постигнаа и Робен и Милер, со што уште на паузата се замина со убедливи 0:5 во корист на гостинскиот тим.
Во вториот дел Жервињо го постигна единствениот погодок за “римската волчица”, а до крајот фудбалерите на Баерн уште два пати стрелаа прецизно, односно гол постигнаа Френк Рибери и Џердан Шаќири, со што беа поставени конечните 1:7.
Група „Е“:
ЦСКА Москва – Манчестер Сити 2:2 (0:2)
Рома – Баерн Минхен 1:7 (0:5)
Табела: Баерн 9 бодови, Рома 4, Манчестер Сити 2, ЦСКА Москва 1.
Група„Ф“:
АПОЕЛ – ПСЖ 0:1 (0:0)
Барселона – Ајакс 3:1 (2:0)
Табела: ПСЖ 7, Барселона 6, Ајакс 2, АПОЕЛ 1.
Група „Г“:
Челзи – Марибор 6:0 (3:0)
Шалке – Спортинг 4:3 (1:1)
Табела: Челзи 7, Шалке 5, Марибор 2, Спортинг 1.
Група „Х“:
БАТЕ Борисов – Шахтјор 0:7 (0:6)
Порто – Атлетик Билбао 2:1 (1:0)
Табела: Порто 7, БАТЕ Борисов 3, Шахтјор 5, Атлетик Билбао 1.
