Американската музичка ветеранка Барбра Стрејсенд влезе во историјата на топ-листата Billboard 200, според веб-страницата којашто ја прави магазинот.
Воедно пејачката родена 1942 година стана единствената жена чијшто албуми се најдоа меѓу Топ 20 или Топ 40 во секoја деценија од 1960 година досега.
На 6-ти август беше објавена колекцијата од нејзините изведби „Release Me 2“. Тој влезе на листата Billboard 200 како 15-то рангиран. На албумот се најдоа архивски снимки, меѓу кои и дуеите со Вили Нелсон („I’d Want It to Be You“), Бари Гиб („If Only You Were Mine“), па дури и со Жабецот Кермит од некогаш ултрапопуларната анимирана серија „Мапети“ („Rainbow Connection“).
Дебито на Стрејсенд на топ-листите Billboard 200 беше пред 58 години, на 17-ти август 1963 година. Нејзиниот албум „The Barbra Streisand Album“, тогаш дојде до 17-та позиција.
