Челникот на американската Централна разузнавачка агенција (CIA) Вилијам Барнс изјави дека Западот не треба да се плаши од руските закани за употреба на нуклеарно оружје и најави нови предлози за прекин на огнот во Појасот Газа во следните неколку дена.
Ова го изјави во саботата, каде придружуван од шефот на британското разузнавање MI6, Ричард Мор присуствуваше на настан организиран од весникот Finacial Times во Лондон.
Одговарајќи на прашањето дали Вашингтон и другите западни престолнини би биле позагрижени за ескалација на војната доколку на Украина ѝ се дозволи да користи ракети со долг дострел на територијата на Русија, Барнс посочи дека ризикот од ескалација не треба да се сфаќа лесно, но дека нема причина за страв.
Рускиот претседател Владимир „Путин е насилник. Ќе продолжи да штрака со оружјето, одвреме-навреме. Не можеме да дозволиме да бидеме исплашени од тој штракаат. САД и дадоа огромна поддршка на Украина и сигурен сум дека претседателот ќе разгледа други начини на кои можеме да ги поддржиме“, вели шефот на CIA кој свеовремено беше амбасадор на САД во Москва.
Барнс вели и дека САД ги игнорирале руските закани за употреба на нуклеарни бомби во есента 2022 година, кога руските сили беа принудени да го напуштат Херсон, но набргу потоа беше формирана линија на фронтот, пишува The Guardian.
