Уште еден трофеј, трет во актуелната сезона, освоија фудбалерите на Бенфика кои ја оправдаа фаворитската улога во финалниот натпревар од националниот Куп на Португалија и сосема заслужено забележаа минимална победа над екипата на Рио Аве.
Единствениот погодок на натпреварот, постигнат во 20. минута, беше дело на аргентинскиот интернационалец, Николас Гаитан.
Триумфот во Купот на Португалија е јасен знак дека фудбалерите на Бенфика немаат никаков проблем кога е во прашање домашната фудбалска сцена, но и понатаму не можат да стават крај на проклетството наречено “Бела Гутман”.