Горивата на бензинските пумпи од ноќеска ќе се точат по нови цени, е најновата одлука на Регулаторната комисија за енергетика.
Па така, цените на бензините од полноќ се зголемуваат за еден денар за литар, а на дизелот ќе се продава по цена пониска за половина денар.
Бензинот ЕУРОСУПЕР БС-95 ќе се продава за 79 денари, а ЕУРОСУПЕР БС-98 за 80,50 денари за литар.
Еуродизелот и Екстра лесното масло за домаќинство, според најновите промени на цените, ќе чинат 68,50 односно 57 денари за литар.
Мазутот М-1 НС поевтинува за 0,183 денари и ќе чини 40,698 денари за килограм.
