Вицепремиерот задолжен за економски прашања Фатмир Битиќи по средбата со стопанствениците во четвртокот во Владата во рамки седницата на Комисијата за јавно-приватен дијалог, порача дека не очекува тешка зима и дека која и да е одлуката што ќе ја преземат од денеска па натаму, сите ќе бидат одговорни за истата.
„Ако се задолжиме за да помогнеме на стопанството, свесно ќе влеземе и стопанството и Владата во таква работа, и ќе знаеме дека некој ќе треба да го плати тоа задолжување, а дали се тоа поголеми даноци заедно ќе одлучиме“, рече Битиќи.
Прашан дали е можно да се намали данокот на додадена вредност (ДДВ) во оваа криза, министерот посочи оти е намалено.
Битиќи истакна на денешната редовна седница на Комисијата за јавно-приватен дијалог, со која копретседаваше вицепремиерот за економски прашања се разговарало и за даночните реформи.
Според него индивидуални мерки не се решение и тоа, како што рече, го видовме во периодот на ковид и го кажуваме и сега.
