Борбите во суданската престолнина Картум продолжија и во средата и ноќта кон четвртокот со жестоки судири и воздушни удари, но се наведува дека ривалските воени фракции се блиску до договор за прекин на огнот на преговорите кои се водат во Саудиска Арабија.
Жителите известуваат за борби во неколку квартови на Картум меѓу припадниците на суданската војска и паравоените Сили за брза поддршка (RSF), како и за тешки престрелки на северот во Омдурман и источно до Бахри, двата соседни градови одвоени од Картум со реката Нил.
Војската гаѓа цели во трите града од вторникот, додека се обидува да ги истиснат единиците на RSF кои ја преземале контролата над големите станбени области и стратешки позиции од почетокот на судирите кои избувнаа на 15-ти април.
Делегации на војската и на RSF од крајот на минатата седмица водат разговори под покровителство на Саудиска Арабија и САД во саудискиот град Џеда на Црвеното Море. Целта на преговорите е склучување ефективно примирје и да им се овозможи на хуманитарните работници и залихите, откако повторуваните најави на прекин на огнот не успеаја да го запре борбите.
По неколкуте денови без видлив напредок, посреднички извор за Reuters во средата дека преговорите напредувале и дека наскоро се очекува договор за прекин на огнот. Втор извор запознаен со преговорите изјави дека „договорот е близу“. Разговорите биле продолжени до доцна во ноќта.
Државната потсекретарка на САД, Викторија Нуланд, претходно изјави дека американските преговарачи се „претпазливо оптимистични“ во врска со осигурувањето на доследноста кон хуманитарните начела и прекинот на огнот, но и дека се разгледува можност за воведување санкции доколку завојуваните страни тоа не го поддржат.
