Битолчани приведени во Ресен, откако при претрес на нивниот автомобил едниот се обидел да бега и фрлил кеса со прашкаста материја

Во петокот во Ресен на улицата „Јосиф Јосифовски“ полициски службеници од СВР Битола-ОВР Ресен ги лишиле од слобода И.Т. на 30 и Д.Ч. на 36 години, и двајцата од Битола.

Додека бил вршен преглед на патничко моторно возило „опел астра“ со битолски регистарски ознаки управувано од И. Т., а во кое сопатник бил Д. Ч., во еден момент Д.Ч. се обидел да избега и фрлил кеса со бела материја, но бил фатен од полициските службеници, по што дополнително кај него биле пронајдени две кесички со бела и кафеава материја.