Eвропската агенда е блокирана пред сè поради неспособноста и криминалот на владата, и поради обидот да се наметне бугарски диктат кој го подржува владата на Димитар Ковачевски – одговори ВМРО-ДПМНЕ на изјавите на потпретседателот на владата Бојан Маричиќ, дека блокадата на македонските евроинтеграции, како што рече „има име и се вика ВМРО-ДПМНЕ“.
„Не знаеме дали Маричиќ бил на винскиот саем во Белград, но по изјавите и постапките потврдува дека бил и дека уживал во доброто вино. Факт е дека виното му штети, затоа, да бидеме сериозни, подобро е да пие витамини, наместо вино.
Маричиќ е министерот кој го има најлошиот извештај на Европската Унија досега. Со Маричиќ, СДС и ДУИ, ЕУ е само далечна желба наместо реалност на која треба да работиме“ – се вели во соопштението на ВМРО-ДПМНЕ.
