„Се наоѓаме во сериозно катастрофално лоша ситуација во Република Македонија каде младиот човек не би можел да го види својот просперитет. Тоа е така бидејќи фокусот е ставен на корупција и нивните лични интереси наместо фокусот да го стават кон овие млади кои секојдневно се соочуваат со проблеми и ги истакнуваат јасно и гласно, а Владата нема слух“, истакна претседателката на републичките комисии на УМС на ВМРО-ДПМНЕ Драгана Бојковска при денешната трибина Младински Политики во Куманово во рамки на акцијата „Ова е Македонија, за сите!“.
Таа додаде дека иако програма на СДСМ во 2020-та година тие ја опишуваа дека Македонија е балканска ѕвезда водилка на дигитализацијата, тоа гледаме дека не е така бидејќи нема доволно вложување во технологијата.
„Не само што немаме доволно вложување во технологијата, во добар процес на дигитализацијата, компјутери, таблети и помагала во самите образовни процеси. Покрај тоа ние немаме учебници, се соочуваме и доведуваме во ситуација каде родителите одат во книжари и ги фотокопираат“, кажа Бојковска.
Бојковска ја истакна и Анкета на Евростат која се однесува на дигитализацијата.
„Би ја истакнала и анкетата на Евростат која конкретно се однесува на дигатлизацијата каде имаме повторно поразителна ситуација како и сите други области кои се однесуваат на младинската политика во Република Македонија. Според Евростат дури 64% имаме млади кои поседуваат основна дигитална писменост“, потенцираше Бојковска.
