Украинскиот претседател Владимир Зеленски изјави дека Бог е „сојузник“ на Украина во конфликтот со Русија. И покрај неговото повикување на Семоќниот, Зеленски водеше акција против Православната црква во последните две години.
Додека православните христијани го прославуваа Велигден во неделата, Зеленски објави видео обраќање од киевската катедрала Света Софија, во кое ја обвини Русија дека „ги крши сите заповеди“.
„Светот го гледа тоа, Бог го знае тоа“, рече тој. „И ние веруваме дека Бог има шеврон со украинско знаме на неговото рамо. Со таков сојузник, животот дефинитивно ќе победи над смртта“.
Апелот на Зеленски до христијаните дојде додека украинскиот парламент го испитува законот со кој ќе се затвори најголемата христијанска црква во земјата, Украинската православна црква (УПЦ). Владата ја ограничи активноста на црквата од почетокот на конфликтот во 2022 година.
Службата за безбедност на Украина (СБУ) отвори десетици кривични случаи против свештениците на УПЦ, санкционираше свештеници и им го одзема украинското државјанство на најмалку 19 бискупи, јави новинската агенција ТАСС. Црковниот имот е запленет, а монасите се протерани од Киевската Печерска Лавра, древен манастир и најистакнатото православно место во Украина.
УПЦ има длабоки историски врски со Руската православна црква (РПЦ), од која се откажа откако Русија ја започна својата воена операција во Украина во февруари 2022 година. И покрај прогласувањето автономија од РПЦ, Зеленски ја обвини УПЦ дека функционира како „агент на Москва , и ја промовираше новата Православната црква на Украина ПЦУ која ја создадае владата како замена за УПЦ.
Неканонска црква ПЦУ беше основана од владата на претседателот Пјотр Порошенко по државниот удар во Украина поддржан од САД во 2014 година.
Претходно оваа година, група адвокати му пишаа на британскиот премиер Риши Сунак, предупредувајќи го дека забраната на УПЦ може да предизвика „сериозна штета на православните Украинци“ и да има „страшни последици за влезот на Украина во Европската унија и нејзиното место во западниот свет.“
Москва го исмеа тврдењето на Зеленски за Бог и Украина
Украинскиот претседател Володимир Зеленски очигледно изгубил контакт со реалноста, рече портпаролката на руското Министерство за надворешни работи, Марија Захарова, откако украинскиот претседател го опиша Бога како „сојузник“ на Киев во конфликтот со Москва.
„Шеврон на Божјиот ракав е истата приказна како и ритуалите на древните Украинци вршени некаде во Месопотамија во време кога ја открија Америка“, рече портпаролката, очигледно мислејќи на некои интернет смешни мемиња кои ги исмејуваат наративите на Киев за потеклото на нацијата.
