Лидерот на „Обединети за Македонија“ и поранешен министер за внатрешни работи, Љубе Бошкоски, на Фејсбук потврди дека е хоспитализиран на Инфективната клиника во Скопје, но вели дека се чувствува добро.
Тој уште минатата недела изјави дека е заразен со коронавирусот. Направил тест за проверка од ковид-19 затоа што сакал да патува во Хрватска, но се покажало дека е заболен. Тогаш рече дека е во изолација во родното село Челопек во тетовско.
Освен Бошковски, на Инфективната клиника претходно беа хоспитализирани и претседателот на Собранието, Талат Џафери и пратениците Милошоски и Зибери.
