Владиниот портпарол Миле Бошњаковски на прес-конференција во средата одговарајќи на новинарско прашање, призна дека законот за употреба на јазиците или поточно законот за двојазичност, важи за целата територија на Република Македонија.
На новинарското прашање поставено дали сите гранични премини ќе бидат напишани на албанскиот јазик, бидејќи албанскиот јазик е на ниво на целата држава, Бошњаковски одговори:
Да, во право сте дека албанскиот јазик е на територија на цела држава, меѓутоа во рамките на законот за употреба на јазиците има специфичен член доколку не грешам мислам дека е член 16 кое што го утврдува исклучиво ова за граничните премини и таму е утврдено дека само граничните премини во кои што над 20 проценти имаме во случајов албански наши граѓани, само тие гранични премини ќе бидат и на албански и на македонски, во случајот тројазично на англиски.
Ова го потврдува фактот дека албанскиот јазик е официјален јазик на целата територија на Република Македонија, покрај македонскиот јазик иако владејачката СДСМ и премиерот Зоран Заев претходно негираа.
