Бостон Селтикс, кој има најдобар учинок во лигата до овој момент, го надигра Далас на гостински терен со 95-124. Џејсон Тејтум оствари „трипл-дабл“ со 29 поени, 14 скока и 10 асистенции, а Џејлен Браун додаде 19 поени. Кај Далас повторно најефикасен беше Лука Дончиќ кој постигна 23 поени.
Денвер Нагетс го декласира Лос Анџелес Клиперс со 122-91. Никола Јокиќ го заврши натпреварот со 12 поени, шест скока и девет асистенции, но воопшто не влезе во игра во последната четвртина. Џамал Мареј беше најефикасен со 18 поени, а покрај него и Јокиќ уште петмина играчи на Денвер постигнаа двоцифрен број на поени.
Јута го победи Хјустон со 131-114, а Финецот Лаури Марканен постигна рекордни во кариерата 49 поени. Малик Бисли и Џордан Кларксон го следеа со по 19 поени, додека кај Хјустон најдобри беа Џејлен Грин со 30 и Кевин Портер со 23 поени.
Мемфис го надигра Орландо со 123-115, со Џа Морант со 32 поени, шест асистенции и пет скока и Џерен Џексон, кој додаде 31 поен и 10 скока како главни актери.
