Министерката за енергетика, рударство и минерални суровини Сања Божиновска се сретна со Бјорн Габриел од Европската инвестициска банка (ЕИБ).
Средбата, како што информира денеска Министерството за енергетика, рударство и минерални суровини, главно беше фокусирана на реформите во енергетскиот сектор што земјава ќе ги спроведе.
– Министерката Божиновска беше информирана за тековните проекти на ЕИБ во земјата, меѓу кои беше и интерконекторот за гас кој ќе поминува низ Македонија. Беше изразена благодарност што ЕИБ е партнер на нашата земја и е посветен на работата и развивањето на енергетскиот сектор во Македонија, со што соработката ќе продолжи и во иднината, се наведува во соопштението.
